Ağcabədi sakini həyat yoldaşı və qayınatasını bıçaqlayıb.
APA-nın yerli bürosunun xəbərinə görə, hadisə rayonun Ümid qəsəbəsində baş verib. Qəsəbədə məskunlaşan Cəfərov İlhamiz Araz oğlu həyat yoldaşı Cəfərova Aynurə Azim qızına və onun atası Hüsiyev Azim Kamal oğluna bıçaqla xəsarət yetirib.
A.Cəfərova və A.Hüsiyev Ağcabədi Mərkəzi Rayon Xəstəxanasına çatdırılıb.
Hadisəni törədən İ.Cəfərov polisə təslim olub.
İlkin ehtimala görə, hadisə qısqanclıq zəminində baş verib.
Faktla bağlı araşdırma aparılır.
