SEPAH: Döyüşə hazırıq, coğrafi məhdudiyyət olmadan vuracağıq

“İran İslam Respublikasının silahlı qüvvələri tam döyüşə hazır vəziyyətdədir”.

Teleqraf xəbər verir ki, bunu İran İslam İnqilabı Keşikçiləri Korpusunun (SEPAH) Aerokosmik Qüvvələri komandanının müşaviri Əli Bilali deyib.

“Əlimiz tətikdədir, düşmənin istənilən səhvini və ağılsız addımını gözləyirik. İstənilən səhv addımda düşmən olduğu bütün mövqelərə raket zərbələri endirəcəyik”, - o əlavə edib.

Əli Bilali bildirib ki, raketlərin sayı, mövqelər və ya imkanlar baxımından heç bir məhdudiyyət yoxdur: “Amma düşmənlər raketlərimizə qarşı mübarizədə çoxsaylı problemlərlə üzləşiblər. Əmr veriləcəyi təqdirdə, yeni bölgələrdə də raket potensialımızdan istifadə etmək üçün heç bir məhdudiyyət yoxdur”.