7 və 8 avqust tarixlərində çaqqal dişləməsi səbəbilə 3 nəfər (2 qadın, 1 kişi) Cəlilabad Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
Bu barədə Teleqraf-ın sorğusuna cavab olaraq TƏBİB-dən məlumat verilib.
Bildirilib ki, 1974 (2 nəfər qadın cinsli) və 1999-cu il təvəllüdlü şəxslərə hər iki aşağı və yuxarı ətrafların dişlənmiş yaraları diaqnozları təyin olunub.
Hər üç şəxsə zəruri tibbi yardım göstərilib və vəziyyətləri qənaətbəxş qiymətləndirildiyindən ambulator müalicə üçün evə buraxılıb.
***
12:38
Cəlilabadda çaqqal kənd sakinlərinə hücum edib, üç nəfər yaralanıb.
Teleqraf-ın Cənub bürosu xəbər verir ki, hadisə rayonun Şatırlı kəndində qeydə alınıb.
Sakinlərin sözlərinə görə, kəndə soxulan çaqqal həyətlərdə olan insanlara hücum edərək onların müxtəlif bədən nahiyələrini dişləyib. Müxtəlif həyətlərə girən yırtıcı rastına çıxan insanlara hücum çəkib.
Səs-küyə gələn bir qadın çaqqalı zərərsizləşdirib.
Üç kənd sakini müxtəlif bədən xəsarətləri alıb. Yaralılar Cəlilabad Rayon Mərkəzi Xəstəxanasına çatdırılıb.
