İranın Gilan əyalətinin Ənzəli şəhərində yerləşən erməni kilsəsində yanğınla bağlı məlumat yayılıb.
Bu barədə “Azad İran” “Telegram” kanalı məlumat yayıb.
Bildirilir ki, Yanğından Mühafizə İdarəsinin qrupu və Mədəni İrs Baş İdarəsinin rəhbəri Vəli Cəhani dərhal hadisə yerinə yollanıblar.
İdarə rəisinin iddiasına görə, İranın Milli Abidələri siyahısında qeydə alınan tarixi binalardan biri olan erməni kilsəsinə yanğın heç bir ziyan vurmayıb. Yanğın zamanı bu ərazidəki bir sıra mağazalara zərər dəysə də, baş idarə həmin mağazaların bərpası üçün şəhər bələdiyyəsi ilə əməkdaşlığa hazırdır.
