“Real”ın kapitanı Serxio Ramos “Levante”yə uduzduqları dünənki La Liqa matçının (0:1) baş hakimi Alexandro Xose Ernandesdən narazı qalıb.
Qol.az xəbər verir ki, o, jurnalistlərə açıqlamasında bildirib ki, hakimlər haqda danışmağı xoşlamasa da, onların bəzi qərarları insanı düşünməyə məcbur edir: “Bu gün iki penalti verilmədi. Ernandes məni hirsləndirdi. Əvvəllər hakimlər daha hörmətli idi. Kapitanlar onlarla danışa bilirdi. Ernandesə dedim ki, mənimlə bir problemi varmı? Əgər varsa, söyləsin, məsələni həll edək”.
Qeyd edək ki, Ramos dünənki matçda sarı vərəqə alıb.
