FIFA "Qarabağ"ın UEFA Konfrans Liqasındakı rəqibi olan Fransa "Marsel"inə transfer qadağası qoyub.
"Report" "Lequipe" nəşrinə istinadən xəbər verir ki, klub qarşıdakı iki transfer dönəmində heyətinə yeni futbolçu cəlb edə bilməyəcək.
Ali futbol qurumu Pape Gueye transferindəki qayda pozuntusuna görə Liqa 1 təmsilçisini cəzalandırıb. 23 yaşlı yarımmüdafiəçi 2020-ci ilin yayında İngiltərə "Uotford"undan transfer olunub.
Qeyd edək ki, "Qarabağ" "Marsel" komandası ilə ilk görüşünü fevralın 17-də səfərdə, cavab oyununu fevralın 24-də evdə keçirəcək.
