"Qarabağ"a qarşı oynamaq asan deyil, çalışdıq ki, taktiki səhvlər etməyək".
"Report"un məlumatına görə, bunu "Keşlə"nin baş məşqçisi Sənan Qurbanov "Qarabağ"a 0:1 hesabı ilə uduzduqları Azərbaycan Kubokunun 1/4 final mərhələsinin ilk oyunundan sonra mətbuat konfransında deyib.
42 yaşlı mütəxəssis matça itkilərlə çıxdıqlarını bildirib: "Futbolçular özlərini göstərməyə çalışdılar. Məğlub olmaq istəmirdik, amma bu, futboldur. Növbəti matçda şanslarımızı dəyərləndirməyə çalışacağıq. Qol imkanlarımız oldu, amma yararlana bilmədik".
Qurbanov son dəqiqələrdə Sadio Tounkaraya qarşı müdaxilədən sonra penaltilərinin qeydə alınmadığını söyləyib: "Mənə görə penalti idi. Amma icmala baxmaq lazımdır".
