PSJ-nin hücumçusu Kilian Mbappe gələn həftə “Real Madrid” ilə müqavilə imzalayacaq.
Bu barədə “Marca” öz mənbələrinə istinadən xəbər yayıb.
Bildirilir ki, bütün detallar martın 18-dək razılaşdırılmalıdır. Klublar hücumçunun gedişini mövsümün sonunda rəsmən elan edəcək.
Mənbənin məlumatına görə, Mbappenin maaşı ildə 25 milyon avro olacaq. Hücumçu həmçinin əvvəlcədən müəyyən edilmiş 60-80 milyon avro bonus alacaq.
Xatırladaq ki, Mbappe 2017-ci ildən PSJ-də çıxış edir. Hücumçunun klubla hazırkı müqaviləsi 2022-ci ilin iyununda başa çatır.
