UEFA Konfrans Liqasının qrup mərhələsinin IV turunda "Qarabağ"ı qəbul edəcək Qazaxıstan "Kayrat"ı oyuna itki ilə çıxacaq.
"Report" "vesti.kz" saytına istinadən xəbər verir ki, Almatı təmsilçisinin müdafiəçisi Qafurjan Suyumbayev Ağdam klubu ilə matçı buraxacaq.
Qazaxıstan millisinin 31 yaşlı üzvü zədə səbəbindən bu görüşdə iştirak edə bilməyəcək.
Qeyd edək ki, noyabrın 4-də Almatı şəhərindəki "Ortalık" stadionunda keçiriləcək "Kayrat" - "Qarabağ" matçı Bakı vaxtı ilə saat 19:30-da başlayacaq.
