İspaniyanın "Real Madrid" klubunun aparıcı futbolçuları Kərim Benzema, Ferlan Mendi və Rodriqo "Barselona"ya qarşı XXIX tur oyununu buraxa bilərlər.
"Report"un məlumatına görə, bu barədə komandanın baş məşqçisi Karlo Ançelotti "Malyorka"ya 3:0 hesabı ilə qalib gəldikləri XXVIII tur oyunundan sonra mətbuat konfransında deyib.
63 yaşlı mütəxəssis həmin oyunçuların durumuna martın 16-da tam aydınlıq gələcəyini söyləyib.
Qeyd edək ki, Rodriqo "Malyorka" ilə görüşün 71-ci, Ferlan Mendi isə 80-ci dəqiqəsində əvəzlənib. Sonadək meydanda olan Kərim Benzema isə qarşılaşmanın ardından ayağında ağrılar hiss edib. Martın 20-də keçiriləcək El-Klasiko Bakı vaxtı ilə saat 00:00-da başlacaq.
