Ermənistanın Baş naziri Nikol Paşinyan ermənilərin dünyadakı simasını dəyişdirmək istədiyini bildirib.
Sherg.az globalinfo.az-a istinadən bildirir ki, o, parlamentdə çıxışı zamanı dünyanın erməniləri qurban xalq kimi gördüklərini deyib.
Paşinyan hökumətin əsas missiyasının "qurban xalq" obrazını dağıtmaq olduğunu bildirib:
"Bizi beynəlxalq aləmdə "qurban xalq" kimi tanıyırlar. Problemlərimizi analiz edərək dalana dirənməməyimiz üçün həll təklif edirəm. Deyirəm ki, biz başqa məntiq seçməliyik. Dövlət məntiqinə üstünlük verməliyik, o dövlət ki, ancaq öz maraqlarından irəli gələrək hərəkət edir. Həmin dövlətin konkret beynəlxalq tanınmış ərazisi, məsuliyyət zonası olsun və o, bu zonanın maraqlarına müvafiq hərəkət etsin".
