Yanvarın 19-da Qəzza zolağında qüvvəyə minən atəşkəsdən sonra Türk Qızıl Aypara Cəmiyyəti humanitar yardım səyləri çərçivəsində AFAD-ın verdiyi çadırlarla şimalda düşərgələr qurur.
Teleqraf xəbər verir ki, atəşkəs razılaşmasının ardından Türk Qızıl Aypara Cəmiyyəti AFAD ilə Qəzza zolağına humanitar yardım işlərini sürətləndirib.
AFAD Qəzza zolağında humanitar böhranın ən mühüm problemlərindən biri olan sığınacaq ehtiyaclarını ödəmək üçün göstərdiyi səylər çərçivəsində orada təxminən, 5 min çadır quraşdırıb.
Türk Qızıl Aypara Cəmiyyəti əvvəlcə İsrailin sıx blokadası altında olan Qəzza zolağının şimalında quraşdırma prosesini davam etdirir.
Bu çərçivədə birinci mərhələdə qurulması planlaşdırılan 4 düşərgə ərazisi üçün Qəzzanın şimalındakı Cibəliyyə və Şücaiyyə bölgələri seçilib.
Sonra Qəzza şəhərinin Şeyx Rıdvan məhəlləsində 100 çadırdan ibarət ilk düşərgənin qurulması başa çatdırılıb. Sakinlərin məskunlaşmağa başladığı çadır düşərgəsi “Türkiyə qardaşlıq düşərgəsi” adlandırılıb.
