Hindistanlı kahin Abhigya Anand dünyada qlobal aclığın başlayacağı tarixi açıqlayıb.
News24.az xarici KIV-ə istinadən xəbər verir ki, kahin Avropanın 400 illik hökmranlıq dövrünün başa çatdığını və indi prioritet mövqenin Hindistan və Çinə keçdiyini bildirib.
Onun fikrincə, bu keçid mərhələsi təxminən iyirmi il davam edəcək, bundan sonra isə dəyişikliklərin yeni dövrü başlanacaq.
Anand bildirib ki, hazırda geniş miqyaslı əhali köçü müşahidə olunur. Son dörd əsrdə insanlar sahil bölgələrinə can atıblar, sənayeləşmə baş verib və təbii resurslar fəal şəkildə istismar edilib. Onun fikrincə, gələcəkdə insanlıq yenidən torpağa və onun sərvətlərinə üz tutacaq.
Kahinin proqnozlarına görə, artıq 2040-cı ilə qədər keyfiyyətli qida məhsulları ilə bağlı ciddi çatışmazlıq yaranacaq və məhz qida əsas resursa çevriləcək. Bununla bağlı ən böyük çətinliklər 2039–2040-cı illərdə olacaq və aclıq qlobal miqyas alacaq.
Abhigya Anand insanlığın qarşıdakı sınaqları tez bir zamanda dəf edə biləcəyinə əmin olduğunu vurğulayıb. Onun fikrincə, yalnız kollektiv səylər ümumi təhlükənin öhdəsindən gəlməyə kömək edəcək və bir neçə ildən sonra vəziyyət sabitləşəcək.
