Fransa inqilabı ilə bağlı ən məşhur ifadələrdən biri sayılan “Çörək tapa bilmirlərsə, qoy tort yesinlər” sözünün əslində Fransa kraliçası Mariya Antuanetta tərəfindən deyilmədiyi ehtimalı tarixçilər arasında yenidən müzakirə olunur.
Sherg.az xəbər verir ki, araşdırmaçılar kraliçanın bu ifadəni işlətdiyini təsdiqləyən etibarlı tarixi sənəd və ya rəsmi mənbənin olmadığını bildirirlər.
Tarixçilərin fikrincə, bu ifadə Fransa inqilabı dövründə monarxiyaya qarşı ictimai narazılığı gücləndirmək məqsədilə yaradılmış təbliğat vasitəsi ola bilər. Həmçinin qeyd olunur ki, bu sözlər Mariya Antuanettadan əvvəl də müxtəlif zadəganlara aid edilərək istifadə olunub.
Mütəxəssislər hesab edirlər ki, ifadənin həqiqətən deyilib-deyilməməsindən asılı olmayaraq, o, xalqın yoxsulluğu ilə sarayın dəbdəbəli həyat tərzi arasındakı ziddiyyəti simvolizə edən ən məşhur tarixi miflərdən birinə çevrilib. Tarixçilər arasında müzakirələr davam etsə də, bu ifadənin Fransa inqilabının simvollarından biri olduğu qəbul edilir.
