“Rentgen etdirin dedilər, mən də gətirdim”
Türkiyənin Giresun bölgəsinin Çamoluk rayonunda baş verən maraqlı hadisə hər kəsi təəccübləndirib. Fındıqlı kəndində yaşayan Sədəf Zorbacı adlı vətəndaş, toyuğunun boğazına iynə ilişdiyini görərək dərhal baytara müraciət edib. Lakin müdaxilələr nəticə vermədiyindən, baytarın tövsiyəsi ilə toyuq xəstəxanaya aparıb.
Sherg.az xəbər verir ki, xəstəxanada toyuğun rentgeni çəkilib və iynənin dəqiq yeri müəyyən edildikdən sonra, baytar həkim Ahmət Kesecek tərəfindən təcili əməliyyat olunub. Uğurlu cərrahiyyə müdaxiləsindən sonra ev quşu sağlamlığına qovuşub.
Sahibi Sədəf Zorbacı baş verənlərlə bağlı deyib: “Çamolukdakı baytar çox çalışdı, amma iynəni çıxara bilmədi. “Rentgen etdirin, daha yaxşı olar” dedilər, mən də xəstəxanaya gətirdim”.
Hadisə sosial mediada da geniş marağa səbəb olub.
Turan
