Adanada 70 il əvvəl Seyhan Barajı gölü altında qalan Topalak məhəlləsi qəbiristanlığı, quraqlıq səbəbindən sular çəkiləndə yenidən görünməyə başladı. Yerli sakinlər uzun illər sonra qəbiristanlığa gedərək dualar etdilər.
Sherg.az xəbər verir ki, 1956-cı ildə Seyhan Çayı üzərində inşa edilən baraj su tutmağa başlayanda, Topalak məhəlləsi qəbiristanlığı da su altında qalmışdı. Lakin son quraqlıq nəticəsində baraj gölünün doluluq səviyyəsi 16%-ə düşüb.
500 metrdən çox su çəkilən ərazidə, qəbir daşları yosunlarla örtülsə də, qismən görünür vəziyyətə gəldi. Məhəllə sakinləri yaxınlarının qəbir daşları başında dualar etdilər.
Faruk Aydın qeyd edib: “Bu il quraqlıq çox artdı. Sular çəkildi və qəbiristanlıq ortaya çıxdı. Hər kəsin suyu diqqətlə istifadə etməsi lazımdır. Biz balıqçıyıq, suların çəkilməsi işimizi mənfi təsir edir. Qəbiristanlıq ortaya çıxanda da insanlar gedib dualarını etdilər.”
Neslihan Çam isə deyib: “Orada mənim yaxınlarım yoxdur, amma böyüklərimizin yaxınları yatır. Qəbir ortaya çıxanda gedib dualar etdik. Sular yenidən qalxanda qəbir su altında qalır. Bəziləri qayıqlarla gedib dua edir.”
