2019-cu ilin yanvar-oktyabr aylarında Azərbaycanın işğal altındakı torplaqlarına 40,097 əcnəbi turist səfər edib.
Modern.az Ermənİstan KİV-nə istinadən xəbər verir ki, qondarma qurumun “Statistika xidməti”nin məlumatına görə, onlardan 19,568 nəfəri MDB, 20,529 nəfəri isə digər ölkələrdən (ABŞ, Fransa, İtaliya və s.) gəlib. 2018-ci illə müqayisədə artımın 48%-ə çatdığı bildirilir.
Turistlərin bəzilərinin Ermənistana səfər zamanı turizm şirkətləri tərəfindən aldadılaraq, bölgələrə səfər proqramı çərçivəsində Qarabağa gətirildikləri də məlumdur.
Bundan başqa, 10 ayda Qarabağda yeni 28 mehmanxana fəaliyyətə başlayıb. Hazırda işğal altındakı ərazilərdə 10 turizm operatoru və 1 turistik şirkətin də fəaliyyət göstərdiyi vurğulanır.
