İflic xəstəsi olan niderlandlı Gert-Jan Oskam İsveçrədə həyata keçirilən “Rəqəmsal körpü” layihəsi sayəsində 12 ildən sonra ilk dəfə ayağa qalxaraq addımlayıb. Bu, isveçrəli alimlərin hazırladıqları xüsusi cihaz – beyin implant cihazı vasitəsilə gerçəkləşib.
“Sherg.az” “NTV.com.tr”yə istinadən bildirir ki, əməliiyatı gerçəkləşdirən isveçrəli alimlər bunun üzərində təkimlləşdirmə apardıqları beyin implant cihazı insanın düşüncələrini qavrayaraq onurğa iliyinə ötürməsi nəticəsində mümkün olduğunu açıqlayıblar. G.Oskam 2011-ci ildə Çində məruz qaldığı avtomobil qəzasından sonra iflic olub. Və o zamandan bəri əlil arabasına məhkum vəziyyətdə qalıb. İsveçrə Federal Texnologiya Universitetinin professor Qriqori Kortin verdiyi açıqlamada Oskamın “Rəqəmsal körpü” layihəsinə qatıldığını və layihə sayəsində ayağa qalxaraq addımlamağa başladığını bildirib.
G.Oskam hər sınaq zamanı 100 metrdən artıq məsafədə addımlayıb. “Qurduğumuz sistem insanın düşüncələrini qavrayarıb onurğa beyninə - iliyə ötürərək hərəkət mexanizmini oyandırır”, söyləyən Q.Kortin deyib ki, layihə beyin və əzələlər arasındakı əlaqəni bərpa edərək iflicin müalicə olunmasını hədəfləyir. Bu sistem reabilitasiya mərhələsində də xəstələrin bel sümüyü sinirlərinin müalicəsinə kömək edir. G.Oskam da yenidən ayağa qalxaraq addımlamağa başladığı üçün xoşbəxt olduğunu deyib: “İsveçrəli alimlər sayəsində yenidən ayağa qalxa bilirəm. Dostlarımla gözəl vaxt keçirə biləcəyəm, istədiyim oyunlara qatılacağam. Normal həyata qayıdıram artıq. Bu, məni hədsiz xoşbəxt edir”, - deyib.
