İtaliyada Salvator Skumans adlı şəxsin 15 il işə getmədən 538 min avro maaş aldığı ortaya çıxıb. Hadisə "Ciaccio" xəstəxanasında baş verib.
"Sherg.az"ın türk mediasına istinadən xəbərinə görə, S.Skumans 2005-ci ildə xəstəxana müdirini şantaj edərək, işdə olmaması üçün intizam hesabatı verməməsini tələb edib.
Xəstəxana müdiri təqaüdə çıxdıqdan sonra isə Skumanın fırıldağı ortaya çıxıb.
Başlanan istintaqlar nəticəsində 2020-ci ilin oktyabrında rəsmi olaraq işdən çıxarılan Skumanın işə getmədən 15 il müddətinə 538 min avro maaş aldığı bəlli olub.
İtaliya mediasında "Davamiyyətsiz Kral adlanan Skuman "vəzifə səlahiyyətlərindən sui-istifadə" və "fırıldaqçılıq" maddələri ilə istintaqa cəlb olunub. Həmçinin baş verənlərə qarşı tədbir görmədikləri üçün şübhəli bilinən 6 nəfər həbs edilib.
