Qurban bayramında qaçan dana...

Yusif Nəzərli 10:48 04.08.2022 Relaks 1521

Türkiyənin Balıkəsir bölgəsində maraqlı hadisə yaşanıb. “NTV.com.tr” xəbər verir ki, bölgənin İsaalan məhəlləsinin muxtarı Ramazan Kocabıyık Qurban bayramında kəsmək üçün dana alıb. Lakin dana bağlandığı yerdən açılaraq baş götürüb gedib. Dananın axtarışlarına bütün məhəllə səfərbər olub, hər tərəfi, dərəni, düzü axtarıblar, amma tapmayıblar. Qaçqın dana Qurban bayramından 26 gün sonra, məhəllədən 25 kilometr uzaqlıqda yerləşən Kayaeli kəndində tapılıb. Yerli bələdiyyəyə xəbər verildikdən sonra bələdiyyə üzvləri və kənd camaatının köməyi ilə dananı yaxalayıblar. R.Kocabıyık isə deyib ki, Qurban bayramında bu dananı kəsmək qismət olmadı, dananı oğlunun sünnət toyunda kəsəcək. Dana qoşqulu traktora qoyularaq məhəlləyə gətirilib.