ABŞ-də Kaliforniya, Oreqon və Vaşinqton sahilləri boyunca yerləşən tektonik plitədə yaranan çatlar səbəbilə güclü zəlzələ ola bilər.
Publika.az xəbər verir ki, bu barədə “New York Times” alimlərə istinadən məlumat yayıb.
Bildirilir ki, Kaliforniyada San Andreas çatlar zonasında meqa zəlzələ təhlükəsi olduqca böyükdür. Ancaq Kaskadiya subduksiya zonasındakı çatlar mütəxəssisləri daha çox narahat edir.
Ekspertlərin fikrincə, Huan de Fuka tektonik plitəsi digər iki plitənin arasında sıxışdığı üçün böyük təzyiq altındadır və bu, yeni çatların əmələ gəlməsinə səbəb ola bilər.
