Hərəkətsizlik hər il 3,2 milyon insanın ölümünə səbəb olur. Qeyri-kafi hərəkət bütün dünyada dördüncü ən çox yayılmış ölüm səbəbidir
Məşhur inancların əksinə olaraq alimlər müəyyən ediblər ki, sağlam qalmaq üçün gündə 10 min addım atmaq lazım deyil. Yeni araşdırmanın nəticəsi göstərib ki, ürək sağlamlığını yaxşılaşdırmaq üçün sadəcə 2300 addım kifayətdir.
Sherg.az xarici mediaya istinadən xəbər verir ki, uzun illər sağlam qalmaq üçün gündə 10.000 addım atmağın sehrli rəqəm olduğu deyilirdi. Ancaq yeni bir araşdırma göstərdi ki, 5000-dən az olsa da, əslində kifayətdir.
Dünya üzrə 226 min insanın iştirakı ilə aparılan araşdırmada vaxtından əvvəl ölüm riskini azaltmağa başlamaq üçün gündə 4 min addım atmağın kifayət etdiyi müəyyən edilib.
Ürək-damar sağlamlığına dəstək vermək üçün cəmi 2300 addım kifayətdir. 4000 addımın üzərinə əlavə ediləcək hər 1000 addım vaxtından əvvəl ölüm riskini 15 faiz azaldır.
Polşa və ABŞ-dan olan tədqiqatçılar bütün yaş və cinslərin addım atmaqdan faydalandığını bildirirlər.
Ümumdünya Səhiyyə Təşkilatı bildirir ki, az hərəkət hər il 3,2 milyon insanın ölümünə səbəb olur. Qeyri-kafi hərəkət bütün dünyada dördüncü ən çox yayılmış ölüm səbəbidir.
Mütəxəssislərin fikrincə, uzun müddət oturmaq nəinki maddələr mübadiləsini ləngidir, həm də əzələ kütləsinin itirilməsinə səbəb olur.
Turan
