Günün ən vacib yeməklərindən biri olan səhər yeməyində istehlak edilən qidalar orqanizminiz üçün böyük əhəmiyyət kəsb edir. Daim masanın üstündə olan bəzi qidalar sağlamlığınız üçün risklidir. Davamlı olaraq istehlak edildikdə xərçəngə səbəb ola biləcək bəzi qidaların olduğu bəllidir.
Sherg.az türk mediasına istinadən səhər yeməyində qaçınılması lazım olan qidaları təqdim edir.
Ümumi pəhriz və həyat tərzi vərdişləri xərçəng riskinə qarşı müəyyən siqnallar ortaya qoyur. Bəzi səhər yeməyi qidaları xərçəng riski ilə əlaqələndirilə bilər. Bununla belə, balanslaşdırılmış və nizamlı bir qidalanma planına əməl etməklə vücudunuz üçün ən yaxşısını edə bilərsiniz.
Qızardılmış yeməklərin və çox yağlı səhər yeməyinin xərçəng riskini artırdığı deyilir. Ona görə də tərkibində az yağ olan qidaları seçməlisiniz. Bundan əlavə, doymuş yağlar pis xolesterol səviyyəsini yüksəldə və piylənmə riskini artırır. Qaynatma, bişirmə və ya qril kimi daha sağlam bişirmə üsullarını seçə bilərsiniz.
Səhər yeməyi taxılları və şəkərlə doldurulmuş şirin qidalar yüksək kalorili olduğu üçün sizi piylənmə riski ilə üz-üzə qoyur. Xüsusilə tərkibində zərif şəkər olanlar qan şəkərinin sürətlə yüksəlməsinə və qəfil düşməsinə səbəb olur.
Şəkərli qidaların həddindən artıq istehlakı insulin müqaviməti və tip 2 diabet riskini artırır. Şəkər diş çürüməsinə səbəb olan bakteriyaları qidalandırır. Səhər yeməyində belə qidalardan istifadə etmək lazım olan vitaminləri ala bilməyəcəksiniz. Buna görə də xərçəng riski arta bilər.
Ttez-tez işlənmiş ətlərdə və bəzi tərəvəzlərdə nitratlı qidalar tapıla bilər. Səhər yeməyində tez-tez istehlak edilən kolbasa, salam və basdırma kimi məhsullarda daha çox rast gəlinir. Nitratlar bədəndə nitritlərə çevrildikdə, potensial zərərli birləşmələr əmələ gətirir.
Səhər yeməyi üçün işlənmiş ət əvəzinə təzə meyvə, tərəvəz, yumurta və bütün taxıl məhsulları seçə bilərsiniz. Təzə hinduşka, toyuq və ya balıq kimi protein mənbələri daha sağlam seçimlərdir. Ancaq səhər yeməyində istehlak nisbətinə görə bir plan yaratmaq lazımdır.
Səhər yeməyi üçün təzə qidaların seçilməsi sağlam pəhriz planının ilk addımıdır. Bədəninizin ehtiyac duyduğu vitamin və mineralları almaq üçün sağlamlığınızı təhdid edən qidalardan uzaq durmalısınız. Bu qidalar zamanla bədən quruluşunu məhv edə bilər.
