Azərbaycanlı iş adamı Adnan Əhmədzadəyə məxsus ASTA ilə I Liqada yarışan "Mingeçevir" klubu arasında tərəfdaşlıq müqaviləsi imzalanacaq.
Futbolun İnkişafı Fondundan Sportnet.az-a verilən məlumata görə, İmzalanma mərasimi sabah Bakıda keçiriləcək. "Fairmont Baku" otelində təşkil olunacaq mərasi saat 13:30-da başlanacaq.
ASTA (Azerbaijan Sport Talents Academy) uşaq futbolunun inkişafına dəstək məqsədilə yaradılıb.
Bir müddətdir mediada bildirilir ki, Əhmədzadə "Mingəçevir" klubuna sponsor olmaq istəyir və bu məqsədlə AFFA-ya müraciət edib. ASTA-nın maliyyə dəstəyi ilə Azərbaycanın 15 yeniyetmə futbolçusu Barselonaya yollanaraq 4 il ərzində “Marcet” akademiyasında təlim keçəcək.
Əhmədzadə futbol ulduzu Lionel Messi ilə yaxınlığı ilə tanınır. Ötən ay Argentina millisinin kapitanı məhz onun təşkilatçılığı ilə Bakıya səfər etmişdi.
İş adamı uzun illər SOCAR-ın müxtəlif departamentlərində mühüm vəzifələr tutub.
