"Cümə günü keçmiş baş nazir Pənah Hüseyn telefonla arayaraq bir neçə partiya sədrləri ilə birlikdə Azərbaycandakı ictimai-siyasi vəziyyəti müzakirə etməyi təklif etdi və bildirdi ki, görüşdə BAXCP sədri Q.Həsənquliyev, BAP sədri E.Musayev və AMİP sədri A.Əlizadə iştirak edəcək. Bütün mədəni siyasi və elmi müzakirələrə açıq bir şəxs kimi təklifi qəbul etdim və bir kafedə çay süfrəsi arxasında gilas mürəbbəsinin də müşayəti ilə maraqlı müzakirə apardır. Yəni siyasi kimliyi olan bir neçə azərbaycanlı oturub bir arada normal, səmimi ölkəmizin daxil və xarici durumunu müzakirə etdik. Nə yeni bir təşkilat yarandı, nə kimsə-kimsəyə yumruq atdı, nə hansısa təşkilatın və şəxsin əleyhinə danışıldı. Bir saata iki çaynik çay istehlak edərək ayrıldıq".
Sherg.az bildirir ki, bu sözləri Böyük Quruluş Partiyasının sədri, millət vəkili Fazil Mustafa, müxalif düşərgənin bir neçə partiya lideri ilə görüşü ilə bağlı danışarkən deyib: "Sonda Pənah bəy söylədi ki, bu qeyri-rəsmi söhbətləşmə barədə sosial şəbəkədə və mətbuatda bilgi vermək istəyir, orada olan partiya sədrlərindən kimsə buna etiraz etmədi. Sonra Pənah bəy bu görüş barədə öz profilində qısa bir mətn içində bilgi yazdı. Yəni bura qədər hər şey yolunda getdi. Bəs sonra nə oldu? O oldu ki, Azərbaycanda cəhalətin, nadanlığın, danabaşlığın yalnız dini sferada baş alıb getmədiyi, həm də siyasi sferada tüğyan etdiyi üzə çıxdı. İçində qondarma professoru, siyasət bilicisi və başqa kateqoriyadan olanlar rəy yazaraq düşdülər Pənah bəyin üzərinə ki, bəs sən niyə Milli Məclisdə təmsil olunan mənimlə və Qüdrət bəylə görüşmüsən? Allah-allah, bu ölkədə həqiqətən keçinin qoturu özünə sığışdırıb bulağın gözündən su içmək istəmir! Bu nə düşüncə, bu nə anlayış! Başqa xalqlar deyirlər ki, siyasətçilərimiz bir araya gəlib mədəni müzakirə aparsınlar, ölkənin problemlərindən çıxış yolları axtarsınlar, bunlar isə əksinə, deyirlər ki, niyə bir-birinizə düşmən olmursunuz. Sonra da hakim partiyaya irad bildirirlər ki, niyə müxalifətlə dialoq aparmır. Bu cür xəstə müxalifətçiliyin daşıyıcıları olan yerdə bu müzakirə necə aparıla bilər? İnanın ki, bəndəniz istər iqtidarda, istər müxalifətdə, istər də siyasətdən uzaq fəaliyyəti olan hər hansı bir azərbaycanlı görəndə həvəslə müzakirə aparıram ki, ölkəmizin gələcəyi üçün hamımız birlikdə necə hərəkət edə bilərik? Cahil, nadan iqtidarçı və ya müxalifətçi görəndə məyus oluram ki, birdən bunların sayı daha çox olar və ölkəmizin gələcəyini sağlam təməldə qurma arzularımız gerçəkləşməyə bilər. Düzsünüzsə, dürüstsünüzsə, yalandan müxalifətçi donuna girib başınızı illər boyu boşuna girələməyin, iqtidarlı-müxalifətli Azərbaycana bağlı insanlarla dialoqdan imtina etməyin, ölkəmizi gözləyən xarici və daxili təhlükəyə qarşı vətəndaş fəallığı göstərin, göstərməsəniz belə, azərbaycanlılar arasında barışmazlıq baryerlərini aradan qaldırmağa çalışanlara heç olmazsa mane olmayın. Milli Məclisdə təmsil olunmağa gəldikdə isə, bir şey deyə bilərəm ki, bütün platformalarda yalnız öz mövqeyimi- doğruluğuna əmin olduğum, milli maraqlarımız üçün zəruri hesab etdiyim, vətəndaşımızın dərdinə az-çox məlhəm ola biləcək mövqeyi sərgiləyirəm. Ağıllı insanlara bunun əlavə şifrəsini açmağa gərək varmı? Bütün səmimi dialoq aparanların içdiyi çaylar nuş olsun!".
Qeyd edək ki, iyulun 26-da bir qrup partiya sədri əvvəlcədən planlaşdırılmış növbəti qeyri rəsmi görüşündə ölkənin qarşılıqlı maraq doğuran məsələləri, ö cümlədən "Köklü islahatlarla dəyişikliklərə doğru" təşəbbüsü çərçivəsində başladılmış siyasi proseslə bağlı vəziyyət və sonrakı addımları müzakirə edib. Digər siyasi partiya rəhbərləri ilə görüşlər barədə qarşılıqlı məlumat mübadiləsi olub. Bu tip təmasların davamlılığının faydalı olduğu qeyd edilib. Görüşdə AMİP sədr əvəzi A. Əlizadə, BQP sədri F.Mustafa, BXCP sədri Q. Həsənquliyev, BAP sədri E. Musayev iştirak ediblər. Bu görüşlə bağlı sosial şəbəkələrdə Pənah Hüseynin ünvanına tənqidlər səsləndirilib.
Millət vəkili: "Pənah Hüseynin üstünə düşdülər ki, sən niyə Fazil Mustafa və Qüdrət Həsənquliyevlə görüşmüsən?"
20:15 28.07.2019
Siyasət
471
Oxşar xəbərlər
Xəbər lenti
Hamısına bax
Bəzi çaylarda sululuq artıb
15:02 28.10.2024
Cəmiyyət
"Qızıl top"-un qalibi kim olacaq?-Proqnoz
14:56 28.10.2024
İdman
Milli Məclisdə yeni TƏYİNAT
14:50 28.10.2024
Siyasət
Liderlərin çoxunu Kazanda görmədik - Zelenski
14:38 28.10.2024
Dünya
Geomaqnit qasırğasının hansı zərərləri var? -Ekoloqdan AÇIQLAMA
14:32 28.10.2024
Cəmiyyət
İsrail Livanın cənubunu vurdu: ölənlər var
14:26 28.10.2024
Dünya
İsrail ağlına gətirmədiyi zərbə alacaq - SEPAH
14:03 28.10.2024
Dünya
Peskov: Moskva Gürcüstanın daxili işlərinə qarışmır
13:51 28.10.2024
Dünya
Ermənistanın dövlət borcu yenidən kəskin artacaq
13:45 28.10.2024
Dünya
Gürcü spiker: Müxalifət dövlət çevrilişi ssenarisini izləyir
13:39 28.10.2024
Cəmiyyət
Şahbaz Şərif Azərbaycana gələcək
13:33 28.10.2024
Siyasət
Sabaha gözlənilən hava şəraiti açıqlanıb
13:27 28.10.2024
Cəmiyyət
İsa Həbibbəyliyə yeni vəzifə verildi
13:21 28.10.2024
Cəmiyyət
İlham Əliyev Sahir Şamşad Mirzanı qəbul edib -YENİLƏNİB
13:15 28.10.2024
Gündəm
Bu yerlərdə parklanma pulsuz oldu
13:09 28.10.2024
Cəmiyyət
Ermənistan hərbi sahəyə bu qədər pul ayırdı
12:50 28.10.2024
Dünya
"Gürcü Arzusu" neçə mandat qazandı? - Spiker açıqladı
12:37 28.10.2024
Dünya
Arakçı dolayısı ilə təsdiqlədi: Rusiya xəbər verib!
12:30 28.10.2024
Dünya
Azərbaycan XİN Çexiyanı təbrik etdi
12:23 28.10.2024
Siyasət