Onlayn qəzet

Digər kateqoriyalar

Paşinyana qarşı etirazlar güclənir: "Qarabağ klanı" Nikolu dalana dirəyib 

16:41 23.08.2019 Siyasət 510
Ermənistanın Cermuk kurort şəhərinin onlarla sakini bura səfər edən ölkənin Baş naziri Nikol Paşinyanı etiraz aksiyası ilə qarşılayıb. Aksiya iştirakçıları Amulsar qızıl yatağının istismar edilməsinə qarşı etiraz ediblər.
N.Paşinyan etirazçıların yataqla bağlı mövqelərindən xəbəri olduğunu deyib. Bununla belə, o qeyd edib ki, məsələni diqqətlə öyrənmək lazımdır.
Bundan sonra kütlə "Mədənsiz Amulsar" deyə qışqırmağa başlayıb və Baş nazir oradan uzaqlaşıb. N.Paşinyan yerli sakinlərin evlərinə daxil olaraq onlarla ayrıca söhbət etməyə çalışsa da, bu istəyi baş tutmayıb. Nümayişçilər N.Paşinyanı addımbaaddım təqib ediblər.
Sakinlərin iddiasına əsasən, Amulsar yatağı Göyçə gölünün ekoloji vəziyyətinə mənfi təsir göstərir.
Məlumdur ki, Paşinyan inqilabla hakimiyyətə gəldi, lakin görünən odur ki, ona qarşı ciddi etirazlar var. Maraqlıdır, bu etirazlar davamlı hal ala bilərmi?
Sualımızı cavablandıran politoloq Azər Rəşidoğlu Sherg.az-a açıqlamasında qeyd edib ki, Ermənistandakı son hadisələr Azərbaycanda 90-cı illərin hadisələrini xatırladır. 
Politoloqun sözlərinə görə, Nikol Paşinyan baş verənlərin onun özü və bütövlükdə iqtidarı üçün nə qədər təhlükəli olduğunu anlayır:
“Bu gün o ölkədə baş verənlər Ermənistanın siyasi arenasında nə qədər kəskin xaosun, özbaşınalığın yaşandığının nümunəsidir. Qarabağ ermənilərinin bu məsələdə hücum taktikası seçmələri ölkə üçün qorxulu proqnozlarlar yaradır. Paşinyan onu da dərk etmir ki, artıq hökumətinin daxilində belə, qütbləşmələr gedir və həmin qütbləşmələr onun iqtidarının parçalanmasına səbəb olmaqdadır. Əgər o, Ermənistanın bütün maraq qruplarına ucdantutma “əl gəzdirəcəksə”, bu zaman onun düşmənləri sırasına böyük bir qoşun qatıla bilər. Bu oyun isə "Qarabağ klanı"nın əlinə oynaya biləcək bir haldır. Bütün bunların fonunda Qarabağ münaqişəsinin yenidən alovlana biləcəyi proqnozlaşdırılır. "Qarabağ klanı"nın yenidən güclənməsi isə Paşinyana müsbət heç nə vəd etmir. 
Məsələ ondadır ki, Paşinyan "Qarabağ klanı"na qarşı mübarizə aparmağa çalışsa da, gücü yetmədi. Bu gün Paşinyana qarşı atılan addımların ilhamvericisi "Qarabağ klanı"dır. Gələcək proseslərdə və seçkilərdə narazı elektorat Paşinyana qarşı çıxacaq liderin ətrafında birləşməyə cəhd göstərəcək. Baş verənləri buna hazırlıq kimi dəyərləndirmək olar”.

Oxşar xəbərlər

post-slider
Makron Fransanın yeni hökumətinin tərkibini təsdiqləyib
23:25 23.12.2024
post-slider
Paşinyan Sarkisyan və Köçəryanı debata çağırdı
22:00 23.12.2024
post-slider
Qaqauziya rəhbəri Sandunu prezidenti kimi tanımadı
21:42 23.12.2024
post-slider
Fikonun Rusiyaya səfəri ölkəni qarışdırdı
21:10 23.12.2024
post-slider
Əsəd xalqdan talan edilən pulları və qızılları illərdir ki, Rusiyaya daşıyır - RƏY
20:50 23.12.2024
post-slider
Ayxan Hacızadə ABŞ səfirliyinə cavab verib
20:43 23.12.2024

Xəbər lenti

Hamısına bax