Almaniyanın ölkəmizdə səlahiyyət müddəti bitən səfiri Volfqanq Maniq ölkəsinə qayıdıb.
Bu barədə diplomat özünün “Twitter” hesabından xəbər verib.
Paylaşımında Azərbaycanla vidalaşan Maniq ölkəmizdə keçirdiyi günlərin onun üçün xoş olduğunu vurğulayıb.
Xatırladaq ki, iyunun 25-də Azərbaycanın xarici işlər naziri Ceyhun Bayramov Almaniyanın ölkəmizdəki fövqəladə və səlahiyyətli səfirini diplomatik fəaliyyətinin başa çatması ilə əlaqədar qəbul edib. O, Volfqanq Maniqə Azərbaycanda uğurlu fəaliyyətinə və bu müddətdə ikitərəfli əlaqələrin inkişafına verdiyi töhfəyə görə təşəkkür edib və səfirə gələcək fəaliyyətində uğurlar arzulayıb.
