“Hər iki ölkə indiki şəraitdə regional qarşıdurmanın onların ziyanına, 3-cü qüvvələrin isə xeyirinə işləyəcəyini yaxşı dərk edir”
Türkiyə-İsrail münasibətlərinin normallaşması prosesində daha bir mühüm addım atılıb. Türkiyə Prezidenti Rəcəb Tayyib Ərdoğanın imzaladığı sərəncamla İsrailə səfir təyin edilib. Şakir Özkan Torunlar 4 il aradan sonra Türkiyənin İsrailə təyin etdiyi ilk səfir olub.
Xatırladaq ki, İsrail ötən ay Türkiyəyə İrit Lillianı səfir təyin etmişdi.
![](https://bizim.media/file/articles/2020/12/08/1607432009_ilqar-velizade-parad-2.jpg)
Tərəflərin regional və beynəlxalq vəziyyəti nəzərə aldıqlarını deyən politoloq İlqar Vəlizadə “Sherg.az”a bildirib ki,Türkiyə və İsrail öz maraqlarını tənzimləmək niyyətindədilər:
“Hər iki ölkə indiki şəraitdə regional qarşıdurmanın onların ziyanına, 3-cü qüvvələrin isə xeyirinə işləyəcəyini yaxşı dərk edir.
Yəni 3-cü qüvvələr iki regional nəhəng arasındakı qarşıdurmadan öz xeyrinə istifadə edərək, nüfuzunu artıra bilər.
Bu yaxınlaşmanın əsas məqsədlərindən biri də, məhz bunun qarşısını almaqdır. Bəs bu 3-cü tərəf kimdir. Burada ən çox İranın adı hallanır.
Bu qarşıdurmada qazanan tərəf İran ola bilərdi. Rəsmi Təl-Əviv və Ankara bunun istəmir. Əlbəttə, hər iki ölkənin öz maraqları var. Lakin bəzi hallarda bu maraqlar üst -üstə düşür.
Xüsusilə də, Azərbaycana olan münasibətlər daha çox kəsişir. Onlar əlaqələri yaxşılaşdıraraq, regiondakı mövqelərini gücləndirməyə çalışırlar”.