Vaşinqton Kiyevdən hesabat istəyir - RƏY
16:37 07.09.2024
Siyasət
648
Zelenski ABŞ-yə Ukraynanın "qələbə planı"nı təqdim etməlidir
Ukrayna ordusunun Kurska hücumu Kreml rəhbərini dalana dirəyib. Bunu Britaniya müdafiə naziri Con Hili deyib. Hili bildirib ki, Rusiyanın Kursk istiqamətində sərhədin bəzi hissələrini müdafiəsiz qoyması Putini dalana dirədi və Ukrayna bu ərazidə öz mövqeyini saxladığı bir vaxtda o, cavab olaraq nə edəcəyinə qərar verir. Ukrayna ordusunun baş komandanı, general Aleksandr Sırski deyib ki, Rusiya Kiyevin gözlənilməz transsərhəd müdaxiləsindən əvvəl Kursk bölgəsindən Ukraynaya yeni hücum planlaşdırırdı. Onun fikrincə, Kursk əməliyyatı uğurla başa çatıb: "Bu, düşmənin hücum təhlükəsini azaldır. Biz onların fəaliyyətinə mane olduq. Biz döyüşü düşmən ərazisinə daşıdıq ki, o, bizim hər gün hiss etdiyimizi hiss etsin". İşğalın səbəblərini izah edən Sırski əməliyyatın əsas məqsədlərini vurğulayıb: "Rusiyanın Kurskdan yeni hücum üçün tramplin kimi istifadə etməsinə mane olmaq; Moskvanın qüvvələrini başqa ərazilərdən yayındırmaq; Təhlükəsizlik zonası yaratmaq və mülki hədəflərin atəşə tutulmasının qarşısını almaq; Əsir götürmək və Ukrayna qoşunlarının və bütövlükdə xalqın mənəviyyatını yüksəltmək". Sırski bildirib ki, Moskva Kursk yaxınlığında on minlərlə hərbçi, o cümlədən ən yaxşı hava hücumu birləşmələri yerləşdirib.
"Faynənşl Tayms" məlumat yayıb ki, Rusiya lideri Vladimir Putin Ukraynadakı tükəndirici müharibədə hələ də qalib gələ biləcəyinə inanır: "Ukraynanın Rusiya ərazisini işğal etməsindən aylar sonra bir şey aydın oldu: Kreml Putinin hələ də qalib gələcəyinə inandığı müharibəni davam etdirməyə hazırdır. Münaqişənin hansısa hərbi və ya iqtisadi ixtisarla tez bir zamanda həll olunacağına dair ümidlər hələ də özünü doğrultmayıb. İndi Putinin müharibəsi kimi başlayan hadisə getdikcə daha çox Rusiyanın müharibəsinə çevrilir və Kremlin xərclərə məhəl qoymamaq qabiliyyətini gücləndirir". Qeyd olunub ki, Kursk fiaskosu Putini utandırır: "Axı bu, nüvə silahına malik olan Rusiyaya İkinci Dünya müharibəsindən sonra ilk hücumdur, üstəlik, bu, nüvə silahı olmayan dövlət tərəfindən edilib. Ancaq Ukrayna və Qərb rəsmiləri bildirir ki, bunun Putin üçün öz ölkəsində siyasi problemlər yarada biləcəyi ehtimalı azdır".
NATO-nun baş katibi Yens Stoltenberq Kiyevə tam dəstəyin davam edəcəyini deyib: "NATO Kiyevin Rusiya ərazisindəki hərbi hədəflərə çatmaq imkanı əldə etməsi üçün Ukraynanın uzaqmənzilli raketlərdən istifadəsini ciddi şəkildə müzakirə edir. Ukraynanın bir dövlət kimi yaşayıb-yaşamayacağı Qərbdən asılıdır".
Siyasi şərhçi Aqşin Kərimov "Sherg.az"a deyib ki, Ukrayna hökumətindəki istefalar Kursk döyüşlərinin Kiyev administrasiyasında doğurduğu nəticələrdir.
Bu o deməkdir ki, Ukrayna hakimiyyətində Kurska müdaxilə ilə əlaqədar fikir ayrılıqları olub: "İndi məsuliyyəti üzərlərinə götürən qüvvələrlə götürməyənlər arasında gedən mübahisələr kabinetdə istefalara gətirib çıxarır. Ukrayna Kurskda gözləntilərini reallaşdıra bilməyib. Rusiyanı prosesdən güclü çıxaran məsələlərdən biri, Ukraynanın Rusiyanın dərinliklərində yerləşən hərbi obyektlərə, strateji obyektlərə raket zərbələri endirməsinə ABŞ-nin izin verməməsidir. Zelenski ABŞ-yə səfər edəcək. Zelenski Kursk dalanından sonra Ukraynanın şərq cəbhəsində Rusiya qoşunlarının irəliləyişləri fonunda Vaşinqtona hesabat verməlidir. Mümkündür ki, Zelenski ABŞ-yə Ukraynanın "qələbə planı"nı təqdim etmək üçün gedəcək və bu dumanlı perspektivə Ağ Evi inandırmağa çalışacaq...".
Oxşar xəbərlər
Xəbər lenti
Hamısına bax
Hörmüz boğazından çıxan tanker vurulub
21:47 20.11.2026
Dünya
"Sabah" "Sumqayıt"ı darmadağın etdi
21:35 20.11.2026
Futbol
Danimarka Rusiyanın hərbi attaşesini ölkədən çıxarır
21:23 20.11.2026
Dünya
Estoniya diplomatı Rusiya XİN-ə çağırıldı
20:40 20.11.2026
Aktual
Bakıda Cənubi Koreyanın milli bayramı qeyd edildi
20:25 20.11.2026
Siyasət
KİV: ABŞ və İsrail İrana yeni zərbələr endirməyə hazırlaşır
20:17 20.11.2026
Gündəm
Britaniya Rusiyaya və Çinə qarşı kiberəməliyyatlar həyata keçirir
20:04 20.11.2026
Dünya
Bakı metrosunda texniki xəta baş verdi - Qatarlar gecikdi
19:47 20.11.2026
Hadisə
İŞİD-ə qoşulmuş şəxslər saxlanılaraq Azərbaycana gətirildi
19:10 20.11.2026
Hadisə
Taksi sürücüləri üçün növbəti imtahanın tarixi açıqlandı
18:53 20.11.2026
Sosial
Fransanın keçmiş baş naziri prezident seçkilərinə qatılacaq
18:48 20.11.2026
Dünya
Naftalanda 3 məktəblini maşın vurub
18:37 20.11.2026
Hadisə
Pul yoxdur, xalq etiraz edir - Pezeşkian
18:24 20.11.2026
Dünya
Aİ Rusiyaya qarşı 22-ci sanksiyalar paketini hazırladı
17:57 20.11.2026
Dünya
KİV: ABŞ və İsrail İrana hücumu nəzərdən keçirir
17:10 20.11.2026
Gündəm