Bu İsraili hökümətinin ölkə ərazisində, eləcə də Qəzza zolağında və Fələstində genişmiqyaslı antiterror əməliyyatları keçirməsinə əsas verir
İsrail Baş naziri Benyamin Netanyahu Təl-Əviv ətrafında avtobuslarda baş verən partlayışlarla əlaqədar təcili iclas keçirib. Bu barədə İsrail Baş nazirinin Ofisi məlumat yayıb. Baş nazir orduya İudeya və Samariyada terror ocaqlarına qarşı genişmiqyaslı əməliyyat keçirməyi, həmçinin İsrail polisi və Şin Betə gələcək hücumların qarşısını almaq üçün İsrail şəhərlərində qabaqlayıcı tədbirləri gücləndirməyi tapşırıb.
Orta Doğu Araşdırmalar Mərkəzinin sədri, politoloq Sədrəddin Soltan “Sherg.az”a söyləyib ki, sözügedən hadisə avtobus terrorudur:
“Bu isə son dövrlər geniş yayılmış terror hadisəsidir. Avropada da belə hadisələr baş verir. Amma sözügedən avtobus terroru əldə edilən razılığı pozmaq qütrətinə malik deyil. Sadəcə olaraq terroru törədənlər və onun arxasında dayanan dövlətlər qisas almaq və İsraildə xaos yaratmaq məqsədiylə belə addımlar atırlar. Bu isə İsraili hökümətinin ölkə ərazisində, eləcə də Qəzza zolağında və Fələstində genişmiqyaslı antiterror əməliyyatları keçirməsinə əsas verir. Belə olan halda fələstinlilər üçün daha ciddi problemlər yarana bilər. Ona görə də fevralın 20-də baş tutan terror hadisəsi İsrail vətəndaşları üçün problem yaradır, onların xəsarət alması və ölməsi ilə nəticələnir. Bununla belə Fələstin Administrasiyası və bütövlükdə ölkədə qanunsuz silahların yığışdırılması üçün zəmin yaradır. Terrorun arxasında dayanan qruplaşmalar tərəfindən İsrail hökümətinin qəbul edəcəyi qərara uyğun addımların atılacağı istisna edilmir. Hökümətin keçirdiyi toplantı da buna hesablanıb”.
