Bu gün Avropa İttifaqı liderləri blokun Ukrayna Silahlı Qüvvələrinə maliyyə dəstəyinin ikiqat artırılması ilə bağlı səsvermə keçirəcəklər.
"Sherg.az" "CNN"ə istinadən xəbər verir ki, bu barədə Aİ-nin xarici siyasət rəhbəri Josep Borrell bildirib:
"Hamı başa düşürki, biz Rusiyaya təzyiq göstərməyə davam etmək üçün Ukraynaya hərbi dəstəyimizi artırmalıyıq.
Maliyyə dəstəyi dərhal olacaq, indi pul sürətlə axır. Rəqəmlər 550 milyon dollardan daha çoxunu təşkil etməlidir”.
Nümayəndənin sözlərinə görə, Aİ liderlərini Avropa Sülh Mexanizmi sxemi ilə atılacaq addıma inandırmaq çətin olmayıb.
Borrell bu gün Avropa İttifaqı Şurasının təklifi təsdiqləyəcəyinə əmin olduğunu bildirib.
Fevralın 28-də Avropa İttifaqı Şurası ilk dəfə olaraq Ukrayna Silahlı Qüvvələrinin, o cümlədən öldürücü texnikanın maliyyələşdirilməsinə yardım etməyə razılaşıb.
Cəmilə ƏZİM
