Fransanın bəzi şəhərlərində polis zorakılığı və etirazçılara qarşı gözyaşardıcı qazdan istifadə edilməsi bizi narahat edir.
Bu barədə Azərbaycan Xarici İşlər Nazirliyi X hesabında məlumat yayıb.
"Toplaşmaq və ifadə azadlığı hüququndan istifadə edən dinc etirazçılara qarşı həddindən artıq güc tətbiqi qəbuledilməzdir. Biz Fransa hökumətini təcili olaraq gərginliyi azaltmağa çağırırıq", - deyə məlumatda qeyd olunub.
Mövzu ilə bağlı “Sherg.az”a danışan iyasi şərhçi, "Report" İA-nın əməkdaşı Kənan Novruzov söyləyib ki, Azərbaycan ədalətsizliyə məruz qalan ölkə olaraq həmişə haqsızlığq olunan dövlətlərin yanında olub:
“Bu nöqtəyi nəzərdən indi də Fransaya qarşı olan addımları dəstəkləyirik. Məsələn, Yeni Kaledoniyada olanları nümunə göstərmək olar. Azərbaycan Yeni Kaledoniyada da haqqı tapdalananların müdafiəsinə qalxdı. Emmanuel Makron hakimiyyətinin səriştəsizliyi, siyasətdən bixəbər olması, dövlət idarəçiliyindən xəbərsizliyi ölkəni indiki hala gətirib. Bu gün rəsmi Parisin çox az sayda müttəfiqi var. Fransa nəinki Azərbaycanla eyni zamanda, Türkiyə, Rusiya, hətta Amerika Birləşmiş Ştatları ilə yola getmir. Rəsmi Paris vaxtilə Ukraynaya qoşun göndərməyə hazır olduqlarını vurğulamışdı. Heç bir Avropa dövləti Fransanın bu çıxışını dəstəkləmədi. Nikol Paşinyan ictimai rəyi formalaşdırmağı bacarır. Ancaq Makron bəşəri dəyərlərdən uzaq insandır. Azərbaycan da təbii olaraq ədalətsizliyə məruz qalanın yanında olduğuna görə Fransaya belə bir çağırış edib”.
