Ukrayna Prezidenti Vladimir Zelenski Rusiya prezidenti Vladimir Putinə maraqlı təklif verib. Zelenski bildirib ki, əgər Rusiya Krımı qaytarsa və Donbasda konflikti dayandırsa, o zaman G8-ə dönə bilər.
Onun sözlərinə görə, G8-ə qayıtmaq üçün Rusiya girov saxladığı ukraynalı dənizçiləri də azad etməlidir: “Rusiya bu addımlar sayəsində dünyaya ali diplomatiyanın gündəmində yer tutmağa hazır olduğunu göstərə bilər”.
Maraqlıdır, Zelenskinin bu təklifindən sonra Rusiya yenə “səkkizinci” olacaqmı?
Sualımızı cavablandıran “Atlas” Araşdırmalar Mərkəzinin rəhbəri, politoloq Elxan Şahinoğlu Sherg.az-a bildirdi ki, indiki vəziyyətdə Krımın geri qaytarılması Zelenskinin istəyindən asılı deyil.
Politoloq qeyd edib ki, Rusiyanın “böyük yeddilərə” qaytarılıb-qaytarılmayacağını Amerika və Fransa müəyyənləşdirəcək:
“Fransa prezidenti Emmanuel Makron rusiyalı həmkarı Vladimir Putinlə son görüşündə Rusiyanın “böyük yeddilərə” qayıtmasına tərəfdar olduğunu deyib. Putin üçün bu göydəndüşmə təklifdir. Maraqlıdır ki, bir çox məsələdə Makronla fikir ayrılığı içərisində olan ABŞ prezidenti Donald Tramp da Rusiyanın “böyük yeddilərə” qayıtmasını dəstəkləyir.
“Böyük yeddilərin” növbəti sammiti 2020-ci ildə keçiriləcək. Həmin tarixə qədər Amerika və Fransa o biri dövlətləri də Rusiyanın qayıtmasına razılıq verməyə çalışacaqlar. Fikrimcə, bu müddətdə Kreml də boş dayanmayacaq, arxasında Paris və Vaşinqtonun dəstəyini hiss edərək Berlin, Tokio və digərlərini yola gətirməyə çalışacaq və bu istiqamətdə diplomatik fəallığını artıracaq. Bu məsələdə problem başqadır.
Rusiya 2014-cü ildə Krımı ilhaqına görə “böyük səkkizlərdən” çıxarılmış və klub “böyük yeddilərə” çevrilmişdi. İndi isə belə anlaşılır ki, böyük dövlətlər öz prinsiplərindən vaz keçərək Krımın ilhaqını həzm etməyə hazırdılar. Ümumiyyətlə hadisələrin gedişatı göstərir ki, Qərb dövlətləri Krımın ilhaqına görə Rusiyaya qarşı 5 ildir sanksiyalar tətbiq etsələr də, Rusiya ilə bağlı siyasətlərini bir qədər korrektə çalışır və Kremli tam itirmək istəmirlər. Yeni strategiyanın qısa izahı belədir: “Rusiya prezidentinin siyasətini bəyənmirik, Krımın ilhaqı və Donbass separatçılarına verilən dəstək yanlışdır, ancaq buna görə Rusiyanı özümüzdən uzaqlaşdırmamız düzgün deyil, bu siyasət müsbət nəticə vermir. Rusiya bizdən uzaq qaldıqca rəqiblərimizlə, o cümlədən Çinlə yaxınlaşır. Ona görə də Rusiyanı bütün qüsurlarına və yanlış addımlarına rəğmən, yanımızda tutmalıyıq”.
Böyük dövlətlər Kremli itirmək istəmirlər: Qərb Krımın ilhaqını həzm etməyə hazır görünür - ŞƏRH
Fidan Həmişəyeva
10:31 22.08.2019
Siyasət
964
Oxşar xəbərlər
Xəbər lenti
Hamısına bax
Rusiya hərbi nümayəndə heyəti Suriyaya gedib
19:42 04.02.2026
Dünya
“Washington Post” əməkdaşların kütləvi ixtisarına başlayır
19:30 04.02.2026
Media
Ürək köçürülməsi tarixi uğurdur, ancaq... - TƏHLİL
19:24 04.02.2026
Sağlamlıq
Türkiyə Rusiyanı Suriyadan uzaqlaşdırır - Uilson
19:22 04.02.2026
Dünya
Media buraxılmırsa, deməli ciddi razılaşma yaxındır - Ekspert
19:08 04.02.2026
Gündəm
Prezident: Hazırda Ermənistanla ticari münasibətlərimizi artırırıq
18:37 04.02.2026
Dünya
Son 4 ayda 4 rekord: Mask dünyada ilkə imza atdı
18:24 04.02.2026
Dünya
Türkiyə üçün Pəhləvinin önə çıxarılması risklidir - RƏY
18:19 04.02.2026
Gündəm
Mehriban Ələkbərzadəyə vəzifə verildi
17:42 04.02.2026
Media
“Sərhəddə gərginlik yox, sülh üstünlükdədir” - ŞƏRH
17:39 04.02.2026
Gündəm
Tramp İranla danışıqları dayandıra bilər
17:23 04.02.2026
Gündəm
Rusiyadakı soydaşlarımız böyük risk altındadır - Fuad Abbasov
17:08 04.02.2026
Gündəm