“Ukrayna Avropanın ayrılmaz hissəsinə çevrilib. Almaniya kansleri Olaf Şoltsun ölkəmizin Avropaya inteqrasiyası ilə bağlı dedikləri bu faktı təsdiqləyir”.
“Report” xəbər verir ki, bunu Ukraynanın Baş naziri Denis Şmıqal bildirib.
“Almaniya kansleri Olaf Şoltsun Ukraynanın Avropa İttifaqına üzv olması ilə bağlı son bəyanatı dövrlərin dəyişməsi siyasəti çərçivəsində mühüm siyasi manifestdir. Ukrayna artıq Avropa İttifaqı və Rusiya arasında deyil, Avropa institutlarının ayrılmaz hissəsidir”-deyə, o bildirib.
Onun sözlərinə görə, tərəfdaşların köməyi ilə Ukrayna yeni, güclü Avropanın bir hissəsi olacaq.
