Sorğunun nəticələri təəccüblü deyil
Torpaqlarımız sonuncu separatçıdan, terrorçu və işğalçıdan təmizlənənədək antiterror
əməliyyatları davam etməlidir
Sosial Tədqiqatlar Mərkəzi (STM) Qarabağda aparılan antiterror əməliyyatı, onun hərbi-siyasi
mahiyyəti və bu barədə məlumatlılıq səviyyəsinə dair ictimai rəy sorğusu keçirib. STM-nin
yaydığı məlumatda bildirilib ki, sorğu çərçivəsində ölkə üzrə 384 respondentin rəyi öyrənilib.
Respondentlərin təqribən yarısı hesab edir ki, aparılan hərbi əməliyyatlar erməni terrorçularının
Qarabağdan çıxarılmasının əsas təminatıdır. Rəyi öyrənilənlərin mütləq əksəriyyəti - 80,5 faizi
Azərbaycanın hərbi əməliyyatları bundan sonra da davam etdirməli olduğunu düşünür. 84 faiz
respondent isə hərbi əməliyyatları erməni terrorçularının Qarabağdan çıxarılmasının əsas
təminatı olaraq gördüklərini deyiblər.
Sosial Tədqiqatlar Mərkəzinin növbəti sorğusunu və nəticələri barədə “Şərq”ə danışan millət
vəkili Elman Məmmədov bildirib ki, STM hər zaman olduğu kimi bu dəfə də çox vacib məqama
işıq tutub. Parlament üzvü vurğulayıb ki, sorğunun nəticələri təəccüblü deyil: “Demək olar ki,
hər bir Azərbaycan vətəndaşının fikri odur ki, torpaqlarımız sonuncu separatçıdan, terrorçu və
işğalçıdan təmizlənənədək antiterror əməliyyatları davam etməlidir. Sorğunun nəticələri də bunu
göstərir. Xalqın istəyini reallaşdırmaq üçün dövlətimizin siyasi iradəsi, iqtisadi gücü var.
Vətəndaşların rəyi bir daha sübut edir ki, Ali Baş Komandanımızın orduya rəhbərliyi, Silahlı
Qüvvələrimizin hərbi əməliyyatları xalqımızı sevindirir və onların ürəyincədir. Xalq arxayın və
rahatdır ki, onun təhlükəsizliyi ən yüksək səviyyədə təmin olunur. Azərbaycan xalqı böyük ümid
və səbirsizliklə gözləyir ki, bu gün Laçından, Zabuxdan iti qovan kimi çıxartdığımız ermənilər,
separatçılar sabah Xankəndi, Xocalı və Xocavənddən də gedəcəklər. Beynəlxalq hüquq
Azərbaycanın tərəfindədir. Ərazimizdə bir nəfər qanunsuz silahlı, quldur erməni qalmamalıdır.
Bir müddət öncə Qarabağda apardığımız “Qisas” anti-terror əməliyyatı da göstərdi ki,
Azərbaycan Ordusu istənilən vaxt, istənilən bölgədə hərbi əməliyyatlar keçirməyə qadirdir.
Ermənilərin Laçın şəhəri, Zabux və Sus kəndlərindən sürətli köçünün səbəbi də məhz uğurlu
anti-terror əməliyyatının nəticəsi idi. Ermənilər yaxşı bilir ki, cığallıq onlara baha başa gələcək”.
E.Məmmədov Laçın şəhəri və Zabux kəndindən çıxan ermənilərin törətdikləri vəhşiliklərə də
münasibət bildirib: “1990-cı illərdə vəziyyət tamam başqa cür idi. Real informasiyanı dünya
ictimaiyyətinin diqqətinə çatdırmaq çox çətin başa gəlirdi. İndi durum çox fərqlidir. Adi bir
xəbər böyük sürətlə dünyaya yayılır. Bu gün Zabuxdakı evləri yandırıb çıxan ermənilər 30 il
öncə necə idilərsə, indi də eyni təfəkkürdədir. Yenə də öz vandallıqlarından, vəhşiliklərindən
geri qalmırlar. İşğalçı, talançı kimi gələn ermənilər bu gün də eyni davranışla bölgəni tərk
edirlər. Ermənilər qəbilə düşüncəsinə malik vəhşi, islaholunmaz toplumdur. Onların başının
üzərində daim yumruq olmalıdır, çünki ancaq güc görəndə deyiləni edirlər”.
İsmayıl Qocayev
