Xəbər verdiyimiz kimi, Milli Məclisin deputatı Elçin Mirzəbəyli üzvü olduğu Ədalət, Hüquq, Demokratiya Partiyasından (ƏHD Partiyası) xaric edilib.
Sherg.az xəbər verir ki, Elçin Mirzəbəyli Modern.az-a açıqlamasında partiyadan xaric edilməsi ilə bağlı müraciət etmədiyini, xəbəri də mətbuatdan oxuduğunu bildirib.
"Mən partiyadan öz xoşumla çıxmamışam. Bununla bağlı müraciət də etməmişəm. Partiyanın İdarə Heyəti qərar verib. Ayın 29-da partiya sədrinin müavinliyindən azad olunmuşdum, ondan da xəbərim yox idi. Bu gün də siz dediyiniz xəbəri mətbuatdan oxumuşam", - o deyib.
