2040-cı ilə qədər sürət həddi 30 km/saat müəyyən edilən küçələrin uzunluğu təqribən 4,1 km artaraq ümumilikdə 11,5 km-ə çatacaq.
“APA-Economics” xəbər verir ki, bu, Bakı şəhərinin 2040-cı ilədək inkişafına dair Baş planında əksini tapıb.
Qeyd edilib ki, 2040-cı il üçün piyada yolları şəbəkəsi Bakı Mərkəzi Planlaşdırma Rayonunun şimal hissəsindəki dar (yaşayış) küçələrin avtomobil nəqliyyatından azad sakit ərazilərə çevriləcək.
Arterial küçələr kimi təsnif olunmayan küçələrdə sürət həddinin 30 km/saat müəyyən edilməsi nəzərdə tutulur.
Bu ərazilər giriş-çıxış üçün üstünlük verilən əlaqələndirmə funksiyası daşımayan küçələrdə (Hüseyn Rəsulbəyov küçəsi və s.), avtomobil nəqliyyatından azad sakit ərazilər ətrafında sərhədləyici rol oynayan küçələrdə (Bəşir Səfəroğlu, Murtuza Muxtarov küçələri və s.); arterial küçələr arasında ayırıcı rolu oynayan küçələrdə (Xəqani küçəsi (şərq hissəsi), Fikrət Əmirov küçəsi, Kövkəb Səfərəliyeva küçəsi və s.) olacaq.
Arterial küçələrin digər hissələrində sistem təkmilləşdirmələrinin nəzərdə tutulub. (yol ayrıclarında piyada keçid imkanlarının tamamlanması və əlavə keçidlərin təmin edilməsi).
Texniki imkan və xərclərin məqbulluğu baxımından mümkün olduqda mövcud yerüstü və yeraltı piyada keçidlərində yenidənqurma işləri apararaq eskalatorların quraşdırılması və digər əlavə təkmilləşdirmələrinin təmin ediləcək.
Ümumilikdə 2027-ci ildən 2040-cı ilə qədər küçələrin en kəsiklərinin dəyişdirilməsi nəticəsində əlavə piyada zolaqlarının uzunluğu təqribən 14,1 km artaraq ümumilikdə 20,0 km avtomobil nəqliyyatından azad sakit küçələrə çatdırılacaqdır (əlavə olaraq 0,6 km piyada zolağı). 2040-cı ildə dəyişdirilmiş küçə en kəsiklərinin tutduğu sahə təqribən 209000 m² (9000 m² piyada zonası və 200000 m² avtomobil nəqliyyatından azad sakit küçələr) təşkil edəcəkdir.
Müvafiq ərazi üzrə piyada keçidlərin sayı artırılaraq 178-dən 2040-cı ilin sonunadək 192-yə çatdırılacaq, keçidlər arası orta məsafə 172 m-dən 159 m-ə qədər azalacaqdır.
