Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29), Kioto Protokolunun Tərəflər Görüşünün 19-cu sessiyasının və Paris Sazişinin Tərəflər Görüşünün 6-cı sessiyasının keçirilməsi ilə əlaqədar Təşkilat Komitəsinin tərkibində dəyişiklik edilib. Bu barədə Prezident İlham Əliyev Sərəncam imzalayıb.
Sərəncamda deyilir:
“Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29), Kioto Protokolunun Tərəflər Görüşünün 19-cu sessiyasının və Paris Sazişinin Tərəflər Görüşünün 6-cı sessiyasının keçirilməsi ilə əlaqədar Təşkilat Komitəsinin yaradılması haqqında” Azərbaycan Respublikası Prezidentinin 2024-cü il 13 yanvar tarixli 4264 nömrəli Sərəncamının (Azərbaycan Respublikası Prezidentinin 2024-cü il 19 yanvar tarixli 4271 nömrəli Sərəncamı) 1-ci hissəsində aşağıdakı dəyişikliklər edilsin:
1. “Samir Şərifov – Azərbaycan Respublikasının maliyyə naziri” abzasından sonra aşağıdakı məzmunda yeni abzaslar əlavə edilsin:
“Xanlar Ağalarov – Dənizkənarı Bulvar İdarəsi İdarə Heyətinin sədri
Gülşən Axundova – “Qadın, İnkişaf, Gələcək” ictimai birliyinin sədri”.
2. “Ruslan Əliyev – Azərbaycan Respublikası Dövlət Neft Şirkətinin “Azəriqaz” İstehsalat Birliyinin baş direktoru” abzası ləğv edilsin.
3. “Sevinc Fətəliyeva – Azərbaycan Respublikası Milli Məclisinin deputatı” abzasından sonra aşağıdakı məzmunda yeni abzas əlavə edilsin:
“Səbinə Hacıyeva – Azərbaycan Respublikasının Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin rəisi”.
4. “Vüsal Hüseynov – Azərbaycan Respublikası Dövlət Miqrasiya Xidmətinin rəisi” abzasından sonra aşağıdakı məzmunda yeni abzas əlavə edilsin:
“Mehriban İmanova – Azərbaycan Elm Fondunun İcraçı direktoru”.
5. “Ülvi Mehdiyev – Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri” abzasından sonra aşağıdakı məzmunda yeni abzas əlavə edilsin:
“Məryəm Məcidova – Azərbaycan Respublikasının Gənclərin Gender Bərabərliyi Mərkəzi “Gender Hub” ictimai birliyinin sədri”.
6. “Saleh Məmmədov – Azərbaycan Avtomobil Yolları Dövlət Agentliyi İdarə Heyətinin sədri” abzasından sonra aşağıdakı məzmunda yeni abzaslar əlavə edilsin:
“Natəvan Məmmədova – Azərbaycan Respublikasının Sahibkarlar (İşəgötürənlər) Təşkilatları Milli Konfederasiyasının baş katibi
Nigar Məmmədova – “DOST İnklüziv İnkişaf və Yaradıcılıq Mərkəzi” Məhdud Məsuliyyətli Cəmiyyətinin direktoru
Şəbnəm Məmmədova – “SmartNation” platformasının təsisçisi”.
7. “Bahar Muradova – Azərbaycan Respublikası Ailə, Qadın və Uşaq Problemləri üzrə Dövlət Komitəsinin sədri” abzasından sonra aşağıdakı məzmunda yeni abzaslar əlavə edilsin:
“İlqar Musayev – Azərbaycan Respublikası Xüsusi Rabitə və İnformasiya Təhlükəsizliyi Dövlət Xidmətinin rəisi Samirə Musayeva – Azərbaycan Respublikasının İqtisadiyyat Nazirliyi yanında Dövlət Vergi Xidməti rəisinin müavini”. 8. “Fuad Nağıyev – Azərbaycan Respublikası Dövlət Turizm Agentliyinin sədri” abzasından sonra aşağıdakı məzmunda yeni abzaslar əlavə edilsin:
“Rövşən Nəcəf – Azərbaycan Respublikası Dövlət Neft Şirkətinin prezidenti
Könül Nurullayeva – Azərbaycan Respublikası Milli Məclisinin deputatı”.
9. “Samir Rzayev – “Azərbaycan Hava Yolları” Qapalı Səhmdar Cəmiyyətinin birinci vitse-prezidenti” abzasından sonra aşağıdakı məzmunda yeni abzas əlavə edilsin: “Ruslan Sadıqov – Bakı “Ağ Şəhər” layihəsinin baş direktoru”.
10. “Mariana Vasileva – Azərbaycan Respublikası gənclər və idman nazirinin müavini” abzasından sonra aşağıdakı məzmunda yeni abzaslar əlavə edilsin:
“İnarə Vəliyeva – Azərbaycan Respublikası Rəqəmsal İnkişaf və Nəqliyyat Nazirliyinin tabeliyində İnnovasiya və Rəqəmsal İnkişaf Agentliyi İdarə Heyətinin sədri Pərvanə Vəliyeva – “Sağlamlığa Xidmət” ictimai birliyinin icraçı direktoru, “Environmental Protection First” Koalisiyasının həmtəsisçisi
Fatma Yıldırım – Azərbaycan Respublikası Milli Məclisinin deputatı”.
Belə bir möhtəşəm tədbirin Azərbaycanda keçirilməsini sevindirici hal olduğunu deyən ekoloq Qorxmaz İbrahimli "Sherg.az"a bildirib ki, COP29 ekologiya ilə bağlı keçirilən böyük konfransdır:
"Bu dünya ölkələri arasında imzalanan "Kioto protokolu" və "Paris sazişi" - dən sonra ardıcıl olaraq müxtəlif ölkələrdə təşkil olunur. BMT başda olmaqla beynəlxalq təşkilatlar buna ciddi əhəmiyyət göstərirlər. Temperturun 1.5 dərəcədən yuxarı qalxmaması, ətraf mühitin çirklənməsinin, buzlaqların əriməsinin qarşısını almaq üçün müzakirələr aparılır. Hətta, bu istiqamətdə ölkələrə dəstək olunur. Azərbaycan karbohidrogen ehtiyyatlarına malik ölkə olmasına baxmayaraq, son illər xüsusən yaşıl enerjiyə yatırım edir və ölkəmizdə ətraf mühitə həssaslıqla yanaşılmağa başlanılıb. Bununla yanaşı, tədbirə ev sahibliyi etməmiz böyük məsuliyyət tələb edir. Bildiyiniz kimi, həmin komfransa 100 minə yaxın insan gələcək".
Ekspert vurğulayıb ki, bu şəxsləri qarşılayıb iki həftə müddətində onların təhlükəsizliyini təmin etmək olduqca çətin olacaq:
"Azərbaycanda son olaraq ən böyük tədbir 2014-cü ildə keçirilib və təxminən 7-8 min qonaq iştrak edib. Ərəbistanda təşkil olunan COP28-də 100 mindən çox adam iştirak etmişdi. Hesab edirəm ki, Azərbaycan da bu göstəricidən geri qalmamalıdır. Ümidvaram ki, turizm şirkətləri, Ekologiya və Təbii Sərvətlər Nazirliyi, xüsusi ilə Təşkilat komitəsi, onun rəhbəri bu işin öhdəsindən layiqincə gələcək".
