Rusiya Prezidenti Vladimir Putinin Türkiyəyə səfəri 31 martda keçiriləcək bələdiyyə seçkilərindən sonra baş tutacaq.
APA-nın Türkiyə müxbirinin verdiyi xəbərə görə, bunu Türkiyə Prezidenti Rəcəb Tayyib Ərdoğan səfirlərlə iftar mərasimində çıxış edərkən deyib.
“Seçkilərdən sonra Putini Türkiyədə qonaq edəcəyik. Müharibədə qalib gələn, sülh ilə isə məğlub tərəf olmayacaq”, - deyə Ərdoğan vurğulayıb.
Ərdoğan onu da bildirib ki, regionda münaqişəni gücləndirəcək və onun NATO-ya yayılmasına səbəb olacaq istənilən addımlardan çəkinmək lazımdır.
