Nə Avropa, nə ABŞ, nə də Ukrayna Rusiya ilə konflikti davam etdirə bilər.
Bu sözləri ABŞ-ın vitse-prezidenti Ceyms Devid Vens deyib.
O bildirib ki, indi danışıqlar masası arxasında əyləşmək vacibdir.
Tanınmış jurnalist, politoloq Fuad Abbasov “Sherg.az”a bildirib ki, bütün bunlar Amerika prezidenti Trampın seçkiqabağı verdiyi vədlərə əməl etməsi üçün həyata keçirilir:
“Trampın "Let's make USA great again" şüarı və eyni zamanda Ukrayna-Rusiya müharibəsini 24 saat ərzində bitirmək vədi baş tutmasa, amerikalıların prezidentə olan güvənsizliyi impiçment qərarına qədər gətirib çıxara bilər. Onun üçün də Tramp administrasiyası əldə olan bütün imkanları istifadə edərək, həm dövlət orqanlarının iş səmərəliliyini optimallaşdıraraq, həm də xarici siyasəti istifadə edərək amerikanın əvvəlki qüdrətini bərpa etmək istəyir. Trampın daha əvvəlki prezident dönəmində Avropa ölkələrinə münasibəti birmənalı deyildi. Amerika vitse-prezidentinin bu açıqlaması ilə həm avropanın, həm də Rusiya və Ukraynanın Amerikanın maraqlarına uyğun olaraq addımlar atması lazım olduğunu vurğulayır. Çox təəssüf olsun ki, müharibənin saxlamağın qarşılığında Ukrayna həm torpaqlarını, həm də təbii sərvətlərini itirməyə məcbur edilir. Avropa bununla razılaşmaya bilər, amma onların Ukrayna tərəfindən Amerikaya qarşı dirənməsinin nə qədər mümkün olacağı sual altındadır. Ona görə də Rusiyanın Avropaya alternativ təklifləri ola bilər. Məsələn, bu təkliflər doğrultusunda Natonun Şərqə genişlənməsinin qarşısını alınmaqdan əlavə, Rusiyaya loyal ölkələrdən ibarət Varşava müqaviləsinə bənzər qoruyucu bufer zonası yaradılması da müzakirə edilə bilər”.
