2000-ci ildə çəkilən və 5 Oskar mükafatı qazanan “Qladiator” filmində baş rol ifaçısı olan Rassell Krou illər sonra çəkilişlərlə bağlı etiraf edib.
Sherg.az xəbər verir ki, o, Maltada keçirilən Mediterrane Film Festivalında çıxışı zamanı bildirib:
“26 il əvvəl Maltada adam oldum. Bu film əvvəlkilərdən fərqli idi – büdcəsi, iddiaları və çətinlikləri ilə. Hər gün mübarizə aparırdım – sanki obrazım Maksimusun həyatı kimi”.
Krou, eyni adlı filmin davamı olan “Gladiator 2”də yer almaması ilə bağlı narahatlığını da ifadə edib:
“Yeni bir film çəkəcəkləri fikri məni bir az narahat etdi, çünki mən birinci filmdə ölmüşəm və yeni versiyada nə edəcəklərinə dair heç bir söz haqqım yoxdur.”
Yeni filmdə Maksimusun dostu Lucillanın oğlu Luciusun böyümüş versiyasını Paul Mescal canlandırıb. Rejissor Ridli Skott isə artıq “Qladiator 3” üzərində işlədiyini bildirib: “Artıq 8 səhifəlik materialım var. Arenaya qayıdacağınızı düşünmürəm, amma mən qayıtmaq məcburiyyətində idim”.
Qeyd edək ki, “Qladiator 2” 2024-cü ildə çəkilib və 15 noyabrda tamaşaçılara təqdim olunub.
