Azərbaycan Xalq Cümhuriyyətinin banilərindən olan Məhəmməd Əmin Rəsulzadənin nəvəsi, tanımış rəssam Rəis Rəsulzadə bu gün “Şərq” qəzetinin redaksiyasında olub.
Qəzetin baş redaktoru, tarix elmi üzrə fəlsəfə doktoru Akif Aşırlı onu redaksiyada yaradılan Azərbaycan Mətbuat Tarixi Muzeyi ilə tanış edib. Akif Aşırlı, həmçinin bu muzeyin ərsəyə gəlməsi, eksponatlar və tarixi sənədlər barədə qonağa ətraflı məlumat verib.
Rəis Rəsulzadə yaradılan şəraitdən razılığını ifadə edərək bildirib ki, bu muzey 28 May- Respublika Gününə ən böyük hədiyyədir:
"Burada mühüm sənədlər, eksponatlar toplanıb. Olduqca böyük əmək sərf olunub. Hətta otaqların dizaynı da tarixi dövrlərə uyğun hazırlanıb. Çox zəngin muzeydir. Dəyərli sənədlər var. Bu otaqlarda Azərbaycanın real tarixi yaşayır, yaşadılır. Tarixi şəxsiyyətlərimizin həyatı,fəaliyyəti nümayiş olunur".
Tanınmış rəssam eksponatların albom formasında yığılmasını və ali təhsil müəssisələrinə paylanmasını təklif edib.
