Sosial şəbəkələrdə dərsliklərlə bağlı edilən paylaşım sərt təpkiyə səbəb olub. Dərsliyə məntiqsiz məntiqi sual salınıb.
Fotonu təqdim edirik:
Artıq neçənci dəfədir ki, bu cür vəziyyət müşahidə edilir.
Niyə dərsliklərə ciddi nəzarət olunmur?
Məsələ ilə bağlı “Sherg.az”a açıqlama verən təhsil üzrə ekspert Elçin Əfəndi həmin paylaşımın kontekstdən çıxarıldığını bildirib:
“Təəssüf ki, bu yazı bilərək paylaşılıb. Kitabda tapşırıq şəkil ilə dərc olunub. Amma qərəzli bir formada təkcə mətn hissəsi sosial şəbəkədə paylaşılıb. Bu, həqiqəti əks etdirmir”.
Ekspert, eyni zamanda uşaqların yaşına uyğun kitabların çap olunmadığını vurğulayıb:
“Səhvlər olduğu kimi, müəyyən kateqoriyalara da diqqət yetirilmir. Təəssüf ki, uşaqların psixologiyası , onların mövzu və məzmunla bağlı məntiqi təfəkkürü, hadisələrə qarşı davranışı və reaksiyası nəzərə alınmır ”.
E.Əfəndi dərsliklərlə bağlı tədbirlərin görülməməməsindən bəhs edib:
“Bu vaxta qədər müvafiq tenderlər keçirildi. Müəlliflər hər hansı dərslik təqdim edirdisə, daha o, yoxlanılmadan birbaşa nəşrə hazırlanırdı. Dərsliklərin hazırlanması üçün mütləq xüsusi komissiya olmalıdır. Nazirlər Kabineti tərəfindən müəyyən olunmuş bütün qaydalara əsasən dərsliklər çap edilməlidir. Kitablarda daha çox milli şəxslərin yer almasına diqqət yetirilməlidir. Dəfələrlə dərsliklərdə təhrif olunmuş informasiyaların şahidi olmuşuq. Bu məsələyə Təhsil Nazirliyi diqqətli yanaşmalıdır “
Cəmilə ƏZİM
