Böyük türk şairi Yunus Əmrənin vəfatının 700 iliyinə həsr edilmiş Şairlər Şöləni keçiriləcək. TÜRKSOYun təşkilatçılığı, TİKA və Özbəkistanın Xarəzm vilayəti İcra Hakimiyyətinin dəstəyi ilə düzənlənən şölən 12-15 oktyabr aralığında Özbəkistanın Xivə şəhərində baş tutacaq.
![](https://scontent.fgyd4-3.fna.fbcdn.net/v/t1.15752-9/244993311_339400171277843_198453679594407565_n.jpg?_nc_cat=106&ccb=1-5&_nc_sid=ae9488&_nc_ohc=AWd4Fv4BeZwAX8Dr0fZ&tn=20KSz0beQdB-Qa8K&_nc_ht=scontent.fgyd4-3.fna&oh=2c72da16ac0f956c1ae937ca952c375f&oe=618832A2)
Tədbirə Özbəkistanla yanaşı, Türkiyə, Azərbaycan, Qazaxıstan, Qırğızıstan və bir sıra türk topluluqlarının şairləri, ədəbiyyatşünaslari qatılacaq.
Sözügedən şöləndə Azərbaycanı Milli Məclisin Mədəniyyət Komitəsinin eksperti, şair-publisist Əkbər Qoşalı və Dünya Gənc Türk Yazarlar Birliyinin başqan yardımçısı, "Ulduz" ədəbiyyat dərgisinin şöbə redaktoru, şair Taleh Mansur təmsil edəcək.