Ağ Ev səhvən HƏMAS tərəfindən girov götürülmüş şəxsləri tapmaq və xilas etmək üçün çalışan elit ABŞ əsgərlərinin şəxsiyyətini deşifrə edib.
Axar.az xəbər verir ki, bu barədə Ağ Evin İnstaqram hesabında paylaşım edilib.
Belə ki, səhifədə Baydenin ordunun terrorla mübarizə bölməsindən bir əsgərin əlini sıxdığı anın görüntüsü paylaşılıb. Həmin fotoda ABŞ-ın “Delta Force” xüsusi təyinatlı döyüşçülərindən olan digər üç əsgərin də üzü aydın şəkildə görünüb.
Ağ Evin sözçüsü “Post” qəzetinə sözügedən fotonun bir saata yaxın səhifədə qaldığını etiraf edib. Bildirib ki, məsələdən agah olan kimi foto dərhal səhifədən silinib.
