Türkiyənin Qars vilayətinin Kağızman bölgəsinə PKK terrorçularına qarşı əməliyyatlar keçirmək üçün əlavə qoşun yeridilib.
Avropa.info Türkiyə mətbuatına istinadən xəbər verir ki, vilayətin Dibəkqaya mövqeyi, Madur vadisi və Çömçə dağı bölgəsində çoxlu sayda əsgər və zirehli texnika cəlb edilib.
Terrorçuların qaçış bölgələrini nəzarətdə saxlamaq üçün çoxlu sayda hərbi vertolyot ərazidə döyüşə hazır vəziyyətə gətirilib.
Xatırladaq ki, dünən bölgədə keçirilən əməliyyatlar nəticəsində 3 PKK terrorçusu öldürülüb, 2 terrorçu ələ keçirilmişdi.
