Bakı şəhərində obyekt tikintisi zamanı ağacların dibini asfaltlanıb.
Bu barədə görüntülər vətəndaşlar tərəfindən Oxu.Az-ın redaksiyasına göndərilib.
Bildirilib ki, Xətai rayonu, Nəsrəddin Tusi küçəsində tikinti zamanı ağaclar budanıb, dibi isə asfaltlanıb.
Məsələ barədə Bakı Şəhər İcra Hakimiyyəti ilə əlaqə saxladıq.
Qurumdan Oxu.Az-ın sorğusuna cavab olaraq bildirilib ki, Yaşıllaşdırma Təsərrüfatı Birliyi tərəfindən ağacların dibi asfaltdan təmizlənib:
“Onlara aqrotexniki qaydada qulluq göstərilib”.
Qeyd edək ki, ötən gün də Azadlıq prospekti ilə Həsən Əliyev küçəsinin kəsişməsində ağacların dibinin asfaltlanması ilə bağlı sosial şəbəkədə yayılan görüntülər yayılmışdı.
