Kriştianu Ronaldu və Makqreqor dəqiqəsinə nə qədər qazanır? - FOTO

Keçmiş UFC çempionu Konor Makqreqor OLBG platforması tərəfindən hazırlanan “ən çox maaş alan idmançılar” reytinqini paylaşıb.
İrlandiyalı 2021-ci ildə oktaqonda mübarizə apararaq dəqiqəsinə 8,6 milyon dollar qazanıb.
İkinci pillədə olan boksçu Saul Alvares rinqdə dəqiqədə 444 min dollar qazana bilib. Üçüncü pillənin sahibi isə Amerika futbolu ilə məşğul olan Tam Brendi olub. Onun gəliri dəqiqəsinə 37 min dollar olaraq göstərilir.
İlk beşliyə həmçinin futbolçular Neymar (32 min) və Kriştianu Ronaldu (18 min) da daxil olub.