Onlayn qəzet

Digər kateqoriyalar

Qiymətlərin bahalaşmasına əsas yoxdur

22:16 30.10.2013 Arxiv 653
“Kommunal xərclərin qiymətində bahalaşmanın baş verib-verməməsi ilə bağlı hökumətin açıqlama verməsinə zərurət var”

"Hökumətin büdcə təşkilatlarında su, işıq, qaz və yanacaq-sürtkü materiallarının ödənilməsi üçün xərcləri artırmaq planları düşünməyə əsas verir ki, 2014-cü ildə dövlət inhisarçılarının xidmət və mallarının tarifləri artacaq”. Bu barədə iqtisadçı-ekspert Rövşən Ağayev "facebook” səhifəsində yazıb. Ekspertin sözlərinə görə, ötən 2012-ci illə müqayisədə bu xərclər 55,1 faiz artacaq. Elektrik enerjisi ödənişi xərcləri 25,5 faiz, təbii qaz xərcləri 18,9 faiz, su xərcləri 26,7 faiz, istilik enerjisi xərcləri 20,3 faiz, kanalizasiya xidməti xərcləri 67 faiz artacaq. Telefon danışıqları, poçt və internet xidmətlərinin ödənişi xərcləri 13-32 faiz səviyyəsində artırılması nəzərdə tutulub. R.Ağayevin iddiasına münasibət bildirən həmkarı Azər Mehdiyev isə "Şərq”ə bildirib ki, adıçəkilən sahələrdə qiymətlərin bahalaşmasına ciddi iqtisadi əsas yoxdur: "Məlumdur ki, həmin məhsulların qiyməti axırıncı dəfə 2007-ci ildə qaldırılıb. Bundan sonra, bəzi kommunal xidmətlərlə də bağlı qiymət dəyişiklikləri baş verdi. Qiymətlərin artırılmasına və endirilməsinə Tarif Şurası baxır. Bu orqan da qərar verməzdən öncə sözügedən sahə ilə məşğul olan müvafiq qurumlardan əsaslandırma tələb edir. İndiki halda isə Azərbaycanda elektrik enerjisinin qiymətinin qaldırılmasının heç bir əsası görünmür”. Ekspert vurğulayıb ki, ölkəmizdə elekrtik enerjisi öz dəyərindən baha satılır: "Hətta son qiymət bahalaşması zamanı bəyan etmişdilər ki, müəyyən olunmuş qiymətlər maya dəyərini üstələyir. Üstəlik, bu sahə ilə əlaqədar ciddi inflyasiya prosesləri də baş verməyib. Dünya bazarında enerjinin qiymətləri artmayıb. Belə olan halda Azərbaycanda qiymətlərin bahalaşmasına heç bir əsas qalmır. Məsul qurumlar istehsal xərclərinin artdığını bəyan edirlərsə, artan xərcləri cəmiyyətə göstərməlidirlər. Qurumların özlərinin məsuliyyətsizliyi üzündən istehsal xərclərinin artması maya dəyərinə daxil edilməli deyil. İlk növbədə həmin sahələrdə şəffaflığın artırılmasına ehtiyac duyulur. Hesab edirəm ki, kommunal xərclərin qiymətində bahalaşmanın baş verib-verməməsi ilə bağlı hökumətin açıqlama verməsinə zərurət var. Son zamanlar qiymət artımı ilə bağlı yaranan narahatlıqlar məhz buradan qaynaqlanır. Hökumət məsələyə münasibətini açıqlamalıdır”.


Oxşar xəbərlər

post-slider
Faktiki hava açıqlanıb
09:36 08.07.2024
post-slider
39 dərəcə isti var - Faktiki hava
11:07 18.06.2024
post-slider
Bu bölgələrdə küləklə bağlı sarı və narıncı xəbərdarlıq edilib
17:21 24.05.2024
post-slider
Bakıda 20 dərəcə isti olacaq - PROQNOZ
12:54 12.04.2024
post-slider
Sabahın hava proqnozu
13:31 06.01.2024
post-slider
Üç bürcü sabah əsl möcüzə gözləyir - yanvarın 7-də...
12:18 06.01.2024

Xəbər lenti

Hamısına bax