Onlayn qəzet

Digər kateqoriyalar

“Bu məsələ qapanıb”

23:07 27.11.2013 Arxiv 406
Zahid Qaralov Ziyad Səmədzadə ilə davadan geri çəkildi

Sabiq millət vəkili Zahid Qaralovun mətbuata son müsahibəsi qalmaqala səbəb olub. Belə ki, Z.Qaralov "publika.az”a müsahibəsində deyib ki, Heydər Əliyevi də Naxçıvana buraxmırdılar, onunla bütün əlaqələrimizi kəsmişdilər: "Ziyad Səmədzadənin o vaxt yüksək vəzifəsi var idi, indi də bu adam Milli Məclisdə komitə sədridir. Z.Səmədzadə o dövrdə onlara yalandan demişdi ki, Heydər Əliyev kabinetində yoxdur, telefonlar da işləmir. Amma biz sonradan Heydər Əliyevlə görüşəndə dedi ki, mən səhərədək öz kabinetimdə oturmuşam və telefonlar da işləyirdi. Bu adam o dövrdə bizi və Heydər Əliyevi aldadıb”. Buna cavab olaraq Milli Məclisin deputatı Ziyad Səmədzadə Z.Qaralovun dediklərinin əsassız olduğunu bildirib və adıçəkilən şəxsin ona qarşı hücumlarının arxasında başqa məqamların dayandığını qeyd edib: " 2005-ci ilin parlamentin seçkilərində Səbail rayonundan namizədliyimi vermişdim, o zaman da heç bir vəzifəm yoxuydu, sadəcə, ictimai əsaslarla fəaliyyət göstərən Müstəqil İqtisadçılar Birliyinə sədrlik edir, həmçinin mətbuatda iqtisadiyyatla bağlı elmi yazılar, məqalələrlə çıxış edirdim. O zaman mənimlə həmin dairədən namizədliyini verənlər arasında Zahid Qaralov da vardı, hansı ki, həmin vaxt o, həm Milli Məclisdə komitə sədri vəzifəsini tuturdu, həm də YAP-ın Səbail rayon təşkilatının sədri vəzifəsində çalışırdı. Ancaq əlində bu qədər resurslar olmasına baxmayaraq, Zahid Qaralov o zaman seçkilərdə məğlubiyyətə uğradı, yenidən deputat seçilə bilmədi. Heç bir vəzifəm və resursum olmaya-olmaya Zahid Qaralov böyük fərqlə mənə uduzdu. İndi belə görünür ki, bu adam ahıl yaşında hələ də həmin məğlubiyyətini həzm edə, uduzmağını mənə bağışlaya bilmir. O, birdəfəlik qəbul etməlidir ki, o zaman seçkilərdə böyük fərqlə mənə uduzub və bu məğlubiyyətinin kökündə də insanların ona növbəti dəfə etimad göstərməməsi dayanır. Əslində məğlubiyyətinin özü də nəticə çıxarmaq üçün bir vasitəsidir, amma görünür, bu adam hələ də düzgün nəticə çıxara, məğlubiyyəti ilə barışa bilmir”. Z.Qaralov Modern.az-a açıqlamasında deyib ki, Ziyad Səmədzadənin dediklərini çözmək fikri yoxdur: "Mən sözümü demişəm, o da öz sözünü deyib. Bununla da məsələ bitib. Kim nə istəyir yazsın, məndən ötrü, bu məsələ qapanıb. Onun özü də, mən də tarixi bilirəm. Bizdən başqa digərləri də bilir. Məsələni qabartmağa ehtiyac yoxdur”.

Oxşar xəbərlər

post-slider
Faktiki hava açıqlanıb
09:36 08.07.2024
post-slider
39 dərəcə isti var - Faktiki hava
11:07 18.06.2024
post-slider
Bu bölgələrdə küləklə bağlı sarı və narıncı xəbərdarlıq edilib
17:21 24.05.2024
post-slider
Bakıda 20 dərəcə isti olacaq - PROQNOZ
12:54 12.04.2024
post-slider
Sabahın hava proqnozu
13:31 06.01.2024
post-slider
Üç bürcü sabah əsl möcüzə gözləyir - yanvarın 7-də...
12:18 06.01.2024

Xəbər lenti

Hamısına bax